ഖലീല്‍ ഗിബ്രാൻ (Kahlil Gibran) എഴുതിയ

The Prophet
(പ്രവാചകൻ)

എന്ന ഗ്രന്ഥത്തിന്‍റെ മലയാളം പരിഭാഷ

On Talking
സംസാരിക്കുന്നതിനെക്കുറിച്ച്

Previous Next


And then a scholar said, "Speak of Talking."

അപ്പോള്‍ ഒരു പണ്ഡിതൻ പറഞ്ഞു, 'സംഭാഷണത്തെക്കുറിച്ച് സംസാരിക്കൂ.'


And he answered, saying:

അയാള്‍ മറുപടി നല്‍കിക്കൊണ്ട് പറഞ്ഞു:


You talk when you cease to be at peace with your thoughts;

നിങ്ങളുടെ ചിന്തകളുമായി നിങ്ങൾ ശാന്തതയിൽ അല്ലാതാവുമ്പോൾ നിങ്ങൾ സംസാരിക്കുന്നു;


And when you can no longer dwell in the solitude of your heart you live in your lips, and sound is a diversion and a pastime.

നിങ്ങളുടെ ഹൃദയത്തിന്‍റെ വിജനതയിൽ നിങ്ങള്‍ക്ക് വസിക്കാനാവാത്തപ്പോള്‍, നിങ്ങൾ നിങ്ങളുടെ ചുണ്ടുകളിൽ ജീവിക്കുന്നു, ആ അവസരത്തില്‍ ശബ്ദം ഒരു വിനോദവും, ഒരു ഉല്ലാസവും ആവുന്നു.


And in much of your talking, thinking is half murdered.

നിങ്ങളുടെ സംഭാഷണത്തില്‍ ഒട്ടുമിക്കതിലും, ചിന്തയെ അര്‍ദ്ധ-ഹത്യ ചെയ്യപ്പെടുന്നു.


For thought is a bird of space, that in a cage of words may indeed unfold its wings but cannot fly.

കാരണം മനോവ്യാപാരം എന്നത് ആകാശവ്യാപ്തിയിലെ ഒരു പക്ഷിയാണ്, വാക്കുകളാല്‍ ഉള്ള ഒരു കൂട്ടില്‍വച്ച് ചിറകുകൾ വിരിയിച്ചേക്കാം, എന്നാല്‍ വാസ്തവത്തിൽ അതിന് പറക്കാനാവില്ല.


There are those among you who seek the talkative through fear of being alone.

ഒറ്റക്ക് ആയിപ്പോകും എന്ന ഭയത്താല്‍, അമിതമായി സംസാരിക്കുന്നവരെ തേടുന്നവര്‍ നിങ്ങളിൽ ഉണ്ട്.


The silence of aloneness reveals to their eyes their naked selves and they would escape.

ഏതാന്തതയുടെ നിശബ്ദത അവരുടെ നഗ്നസത്ത അവരുടെ കണ്ണുകള്‍ക്ക് വെളിവാക്കുന്നു, അതിനാല്‍ത്തന്നെ അവർ രക്ഷപ്പെടാൻ ഉദ്യമിക്കും.

And there are those who talk, and without knowledge or forethought reveal a truth which they themselves do not understand.

സംസാരിക്കുകയും, അറിയാതെയോ അല്ലെങ്കില്‍ മുന്‍കൂട്ടി ചിന്തിക്കാതെയോ, അവര്‍ക്ക് പോലും മനസിലാകാത്ത ഒരു മഹാസത്യം വെളിവാക്കുന്നവരും ഉണ്ട്.


And there are those who have the truth within them, but they tell it not in words.

അതേപോലെതന്നെ, നിഗൂഢസത്യം അവരുടെ ഉളളില്‍ ഉള്ളവരും, എന്നാല്‍ അത് വാക്കുകളില്‍ പറയാത്തവരും ഉണ്ട്.


In the bosom of such as these the spirit dwells in rhythmic silence.

ഇങ്ങിനെയുള്ളവരുടെ മാറിടങ്ങളില്‍, ആത്മചൈതന്യം താളാത്മക നിശബ്ദതയില്‍ വസിക്കുന്നു.


When you meet your friend on the roadside or in the market place, let the spirit in you move your lips and direct your tongue.

നിങ്ങള്‍ നിങ്ങളുടെ സുഹൃത്തിനെ തെരുവോരത്ത്വച്ചോ അല്ലെങ്കിൽ കമ്പോളപ്രദേശത്ത് വച്ചോ കണ്ട്മുട്ടുമ്പോള്‍, നിങ്ങളിലെ ആത്മചൈതന്യം നിങ്ങളുടെ ചുണ്ടുകളെ അനക്കുകയും, നിങ്ങളുടെ നാവിന് വഴികാട്ടുകയും ചെയ്യട്ടെ.


Let the voice within your voice speak to the ear of his ear;

നിങ്ങളുടെ വചനത്തിനുള്ളിലുള്ള സ്വരം അയാളുടെ ചെവിക്കുള്ളിലെ കാതിനോട് സംസാരിക്കട്ടെ;


For his soul will keep the truth of your heart as the taste of the wine is remembered

വീഞ്ഞിന്‍റെ സ്വാദ് ഓര്‍മ്മിക്കപ്പെടുന്നു എന്നത് പോലെ, നിങ്ങളുടെ ഹൃദയത്തിന്‍റെ നേര് അയാളുടെ ആത്മാവ് സൂക്ഷിച്ചുവെക്കും


When the colour is forgotten and the vessel is no more.

നിറം മറവിയിലാകുകയും പാത്രം ഇല്ലാതായിക്കഴിഞ്ഞിരിക്കുകയും ആവുമ്പോൾ.