top of page
SouthAsiaContentsM
SaMmainContents

ദക്ഷിണേഷ്യൻ ഉപഭൂഖണ്ഡ ചരിത്രം: ഒരു അനുഭാവ്യചിത്രീകരണം

Volumes

01    02    03    04    05    06    07    08

09    10   11    12    13    14    15    16

VED from VICTORIA INSTITUTIONS

It is foretold!

The torrential flow of inexorable destiny!

VED.jpg

Vol 17

05. കീഴ്വഴക്കവും കാര്യക്ഷമതയും

ഈ എഴുത്ത് ഇപ്പോൾ നിൽക്കുന്നത് ഫ്യൂഡൽ ഭാഷകളുടെ ഉള്ളറ കോഡിങ്ങിനെ വിവരിക്കുന്ന ഇടത്താണ്.  ദക്ഷിണ മലബാറിലെ മാപ്പിള ലഹളയെക്കുറിച്ച് പ്രതിപാദിക്കുന്ന ഇടത്തുവച്ച് ചെറുതായി ഒന്ന്, ഈ പ്രദേശത്തിലെ പ്രാദേശിക ഭാഷയിൽ നിലനിൽക്കുന്ന അദൃശ്യമായതും എന്നാൽ വൻ ബലമുള്ളതുമായ കോഡിങ്ങിനെക്കുറിച്ചൊന്ന് എഴുതിത്തുടങ്ങിയത് വളരെ നീളംകൂടിയ ഒരു എഴുത്തായി മാറിപ്പോയി. 

 

ഇപ്പോൾ എഴുതുന്ന കാര്യങ്ങളിൽ ചിലതെല്ലാം നേരത്തെ എഴുതിയിട്ടുള്ളതും ആവാം.

 

ഈ എഴുത്ത് തുടുരകയാണ്. ഈ ഇടം കഴിഞ്ഞാൽ, വീണ്ടും ചിരിത്രത്തിലെ തിരിച്ചുപോകാം എന്നു കരുതുന്നു.

 

പ്രാദേശിക ഫ്യൂഡൽ ഭാഷിയിലെ മിക്ക കാര്യങ്ങളും ഇങ്ഗ്ളിഷിൽ നിന്നും വ്യത്യസ്തമാണ്. യഥാർത്ഥത്തിൽ ഇങ്ഗ്ളിഷ് ജനതയും ഫ്യൂഡൽ ഭാഷാ ജനതയും രണ്ട് വ്യത്യസ്ത മൃഗങ്ങൾ ആണ് എന്നുവരെ കരുതാവുന്നതാണ്.  എന്നാൽ ഇങ്ഗ്ളിഷ് ജനത അവരുടെ കൈവശം ഉണ്ടായിരുന്ന എല്ലാ വിധ കാര്യങ്ങളും ഫ്യൂഡൽ ഭാഷക്കാരിലേക്ക് ചൊരിഞ്ഞതോടുകൂടി, രണ്ടു കൂട്ടരും തമ്മിൽ കാര്യമായ വ്യത്യാസം ഇല്ലാ എന്ന തോന്നൽ രണ്ടുകൂട്ടരിലും വന്നിട്ടുണ്ട്.

 

ദക്ഷിണേഷ്യയിലെ വിവിധ ജനവംശങ്ങളുടെ മേൽവിലാസവും അവകാശവാദങ്ങളും മറ്റും ഇങ്ഗ്ളിഷ് ഭരണത്തിന്‍റെ വരവോടുകൂടി മാറിമറിഞ്ഞിട്ടുണ്ട്. അതിലേക്ക് ഇപ്പോൾ പോകുന്നില്ല.

 

ഇവിടെ ഇപ്പോൾ ആദ്യം വ്യക്തികളുടെ കാര്യക്ഷമതയെ കുറിച്ചൊന്ന് പറയാം.  ഇങ്ഗ്ളിഷ് മാത്രം സംസാരിക്കുന്ന ഒരു സാധാരണ ജനക്കൂട്ടത്തിനിടയിൽ കാര്യക്ഷമതയുടെ കാര്യത്തിൽ പൊതുവായുള്ള ഒരു നിലവാരം നിലനിൽക്കും.  ഇതിനുള്ളിൽ സൂക്ഷമായി നോക്കിയാൽ പലവിധ വ്യത്യാസങ്ങളും വ്യതിയാനങ്ങളും ഓരോ വ്യക്തിയും അയാൾക്ക് താൻ ചെയ്യുന്ന തൊഴിലിനോടുള്ള താൽപ്പര്യം, നൈപുണ്യം തുടങ്ങിയ കാര്യങ്ങൾ ബാധിച്ചേക്കാം.

 

എന്നാൽ ഒരു ഫ്യൂഡൽ ഭാഷ സംസാരിക്കുന്ന ഒരു സാധാരണക്കാരായ ഒരു കൂട്ടം വ്യക്തികളുടെ കാര്യം ഈ രീതിയിയൽ അല്ല. 

 

ഇങ്ഗ്ളിഷിൽ ഒട്ടു തന്നെയില്ലാത്ത ഒരു മാനസിക ഫോക്കസ് (mental focus) അവരിൽ നിലനിന്നുകൊണ്ടേയിരിക്കും. അവർ ചെയ്യുന്ന ഓരോ കാര്യവും, അവർ ബന്ധപ്പെടുന്ന ഓരോ വ്യക്തിയും, അവർ നിലനിൽക്കുന്ന ഓരോ തൊഴിൽ സ്ഥാനവും മറ്റും, വാക്ക് കോഡുകളെ പ്രതികൂലമായാണോ അനുകൂലമായാണോ ബാധിക്കുക എന്ന ചിന്ത ആണ് ഇത്. 

 

താൻ ഇത് ചെയ്താൽ, താൻ അദ്ദേഹം ആവുമോ, അയാൾ ആവുമോ അവൻ ആവുമോ എന്നതാണ് ഈ ചിന്തയുടെ അടിത്തറ.

 

താൻ ഈ തൊഴിൽ സ്ഥാനത്ത് ചേർന്നാൽ, താൻ അദ്ദേഹത്തിന് കീഴിൽ വരുമോ, അയാളുടെ കീഴിൽ വരുമോ, അവന്‍റെ കീഴിൽ വരുമോ. ഇതും ഇതുമായി വളരെ അടുത്ത് കിടക്കുന്ന ഒരു വെപ്രാളം തന്നെയാണ്. ഇത് ഒരു ഭയങ്കര വെപ്രാളം തന്നെയാണ്.

 

തന്‍റെ ഈ ബന്ധം സൂചിപ്പിച്ചാൽ, താൻ അദ്ദേഹം ആവുമോ അയാൾ ആവുമോ അവൻ ആവുമോ, എന്നതും ഇതുമായി ബന്ധപ്പെട്ട ഒരു സംഗതിതന്നെയാണ്.

 

ഇതെല്ലാം ഇവിടെ എഴുതിക്കാണുമ്പോൾ വളരെ നിസ്സാരമായ കാര്യങ്ങൾ ആണ് എന്നു തോന്നാമെങ്കിലും, വാസ്തവം പറഞ്ഞാൽ, ഈ വിധ കാര്യങ്ങൾ ആണ് സാമൂഹികമായ പല പെരുമാറ്റങ്ങളേയും പ്രവർത്തനങ്ങളേയും, അനുകൂലമായോ പ്രതികൂലമായോ ബാധിക്കുക എന്ന കാര്യം സാമൂഹികമായും തൊഴിൽപരമായും വിപുലമായ വേദികളിൽ പ്രവർത്തിക്കുന്നവർക്ക് വളരെ വ്യക്തമായി അറിയാം. പലയിടത്തും വാതിലുകൾ തുറക്കപ്പെടുന്നതും അടക്കപ്പെടുന്നതും ഈ വിധ കാര്യങ്ങളെ മറ്റുള്ളവർ വിലയിരുത്തിക്കൊണ്ടുതന്നെയാണ്.

 

ഇങ്ഗ്ളിഷ് ഭാഷ മാത്രം സംസാരിക്കുന്ന സാധരണക്കാരായ വ്യക്തികൾ അവരുടെ ഇടയിലുള്ള പല സ്ഥാനങ്ങളിലും പ്രവർത്തിച്ചാൽ ഈ ഒരു മാനസിക വിഭ്രാന്തി അവരിൽ വരില്ല.  വ്യക്തികൾ തമ്മിൽ കാര്യമായ ഉയർച്ചത്താഴ്ച വാക്കുകളിൽ വരില്ലതന്നെ. 

 

എന്നാൽ, ഫ്യൂഡൽ ഭാഷകളിൽ സാധരണക്കാർക്കിടയിൽ തന്നെ പലതരം വ്യക്തി ബന്ധ കണ്ണികൾ നിലനിൽക്കും. ഏതൊരു തൊഴിൽ സ്ഥാനത്ത് ചേർന്നാലും ഈ വിധ കണ്ണികളിൽ വലിവും അമർത്തലും മറ്റും അനുഭവപ്പെടാം.

 

ഇവിടെ ഇപ്പോൾ പറയാൻ വന്നത് കാര്യക്ഷമതയെക്കുറിച്ചാണ്. എഴുത്ത് മറ്റൊരു ദിശയിലേക്ക് നീങ്ങുന്നുണ്ട് എന്ന ഒരു തോന്നൽ. അതിനാൽ തന്നെ കാര്യക്ഷമതയിലേക്ക് തിരിച്ചുവരാം.

 

ഫ്യൂഡൽ ഭാഷകളിൽ ഓരോ വ്യക്തിയും പ്രവർത്തിക്കുന്ന വേദിയിൽ ഒരു വിധേയത്വത്തിന്‍റേയും ആധിപത്യത്തിന്‍റേയും ഭാവം അയാളിൽ നിലനിൽക്കും. സാമൂഹികമായി ഏറ്റവും കീഴിൽ കിടക്കുന്ന തൊഴിൽ വേദികളിൽ പോലും ഈ വിധമായുള്ള ഒരു മാനസിക ഭാവം വ്യക്തികളിൽ നിലനിർത്തും.

 

ഇങ്ഗ്ളിഷുകാരുടെ ഇടയിൽ ഈ വിധമായുള്ള ഒരു സാമൂഹികമായുള്ള തരംതാണ തൊഴിൽ എന്നത് വാക്ക് കോഡുകളിൽ നിലനിൽക്കില്ല. എന്നാലും താൽപ്പര്യം കുറഞ്ഞ തൊഴിൽ എന്ന കാര്യം നിലനിൽക്കാം. എന്നാൽ അത് ഭാഷാ വാക്കുകളിൽ വ്യതിചലനം സൃഷ്ടിക്കില്ലതന്നെ.

 

ഫ്യൂഡൽ ഭാഷകളിൽ കീഴ്വഴക്കം എന്ന ഒരു കാര്യം ഉണ്ട്. Convention എന്ന ഇങ്ഗ്ളിഷ് പദത്തിന്‍റേ മലയാളം വാക്കാണ് ഇത് എന്ന് പറഞ്ഞുവരുന്നുണ്ട്.  പലയിടുത്തും ഈ തർജ്ജമ ശരിയാണ് താനും.

 

എന്നാൽ, ഫ്യൂഡൽ ഭാഷകളിൽ ഈ പരിഭാഷയിൽ ഈ വാക്ക് ഒരുങ്ങിനിൽക്കില്ല.

 

ഓരോ തൊഴിൽ സ്ഥാനത്തും സാമൂഹിക സ്ഥാനത്തും കുടുംബ ബന്ധ സ്ഥാനത്തും ഓരോ വ്യക്തിയും വളരെ കാര്യക്ഷമായി പ്രവർത്തിക്കുകയും പെരുമാറുകയും മറ്റും ചെയ്യുന്നത്, ഈ വിധേയത്വ - മേധാവിത്വ വ്യക്തിബന്ധ കോഡിങ്ങിനോട് രമ്യതയിൽ പ്രവർത്തികുമ്പോഴാണ്.  ഇതാണ് ഈ വിധ സ്ഥാനങ്ങളിലെ കീഴ്വഴക്കം. ഈ കീഴ്വഴക്കത്തൊട് ഒത്തു നിൽക്കുക എന്നതാണ് ആ വ്യക്തിയിൽ കാണുന്ന ഏറ്റവും ഉന്നതമായ കാര്യക്ഷമത.

 

അല്ലാതെ തനിക്ക് കിട്ടിയ സ്ഥാനത്ത് നിന്നും പ്രവർത്തന വേദിയിലെ പോരായ്മയിലും പിശകുകളിലും മറ്റും തിരുത്തൽ വരുത്തുക, ആ രീതിയിൽ ഉള്ള കാര്യങ്ങളെ കണ്ടെത്തി മറ്റുള്ളവരെ അറിയിക്കുക എന്നത് അയാളിലെ കാര്യക്ഷമതയായി ആരും കാണില്ല. മറിച്ച്, അയാളിലെ വിധ്വംസക മനോഭാവം ആയാണ് അത് മനസ്സിലാക്കപ്പെടുക.

 

അതുമല്ലെങ്കിൽ അയാൾ ആളാവാൻ ശ്രമിക്കുന്നുണ്ട് എന്ന തോന്നലും വരാം.

 

ഇത് ഒരു തെറ്റായ മനസ്സിലാക്കലും അല്ലതന്നെ. കാരണം, ഭാഷാ വാക്കുകൾക്ക് ഈ വിധമായേ ഈ ഒരു പെരുമാറ്റ പിശകിനേയും പ്രവർത്തന ദുശ്ശീലത്തേയും ഉൾക്കൊള്ളാൻ ആവുള്ളു.

 

അവൻ, അദ്ദേഹത്തെ തിരുത്തുന്ന ഒരു പരിപാടി വ്യക്തമായും അനുസരണക്കേടും ആശയവിനിമയ ഒഴുക്കിൽ പൊട്ടിത്തെറി സൃഷ്ടിക്കലും ആണ്.

 

സ്ഥാപിതമായ കീഴ്വഴക്കങ്ങൾക്ക് വിധേയമായി നിലനിൽക്കുന്നത്, വ്യക്തിപരമായി പലപ്പോഴും വൻ വിജയങ്ങൾ നേടിത്തരുന്നകാര്യം തന്നെയാണ്.

 

എന്നാൽ സംവിധാനങ്ങളിലും പ്രവർത്തന വേദികളിലും തിരുത്തപ്പെടാത്ത അനവധി പിശകുകൾ വന്നുനിറയും.

 

അതേ സമയം ഇങ്ഗ്ളിഷ് സംവിധാനങ്ങളിലും പലവിധ പിശകുകളും മറ്റു കയറിവരാനാകുമെങ്കിലും, അവയെല്ലാം പലവിധ സ്ഥാനങ്ങളിലും ഉള്ള ഇങ്ഗ്ളിഷ് വ്യക്തികൾ തിരുത്തികൊണ്ടേയിരിക്കും.

 

എന്നാൽ ഈ വിധ ഇങ്ഗ്ളിഷ് പ്രസ്ഥാനങ്ങളിൽ ഏതെങ്കിലും ഒരു ഇടത്ത് ഒന്നിൽ കൂടുതൽ ഫ്യൂഡൽ ഭാഷാ വ്യക്തികൾ സ്ഥാനീകിരിക്കപ്പട്ടാൽ, അവിടെ പിശകുകൾ തിരുത്തപ്പെടാതെ നിറഞ്ഞുതുടങ്ങാം.  മാത്രവുമല്ല പലവിധ നെഗറ്റിവ് മാനസിക ഭാവങ്ങളും വ്യക്തികളുടെ മനോഭാവങ്ങളിൽ കയറിക്കൂടാം. അവിടം ഒരു ഇങ്ഗ്ളിഷ് മാനസിക വേദിയല്ലാതെ ആയിമാറും.